Related Posts
Category : Sports
પાકિસ્તાન સામેની મેચમાં ન્યુઝિલેન્ડના બેટર રચિન રવિન્દ્રને માથામાં બોલ વાગતા નિકળ્યુ લોહી..
ICC ચેમ્પિયન્સ ટ્રોફી 2025 પહેલા પાકિસ્તાનમાં યોજાનારી ત્રિ-રાષ્ટ્રીય શ્રેણીની પ્રથમ મેચમાં ન્યૂઝીલેન્ડની ટીમને મોટો આંચકો લાગ્યો છે. જ્યાં ન્યૂઝીલેન્ડે ઘરઆંગણે પાકિસ્તાનને 78 રનથી ખરાબ રીતે હરાવ્યું હતું. આ મેચ દરમિયાન ન્યૂઝીલેન્ડનો દિગ્ગજ બેટ્સમેન રચિન રવિન્દ્ર કપાળમાં ઈજાને કારણે ખરાબ રીતે ઘાયલ થયો હતો. હવે ન્યૂઝીલેન્ડ ક્રિકેટ બોર્ડના પ્રવક્તાએ આ ખેલાડીને લઈને મોટું અપડેટ આપ્યું છે.
રચિન રવિન્દ્ર સાથે મોટો અકસ્માત થયો
લાહોરના ગદ્દાફી સ્ટેડિયમમાં, ન્યૂઝીલેન્ડની ટીમે ગ્લેન ફિલિપ્સની 106 રનની વિસ્ફોટક અણનમ ઇનિંગની મદદથી પાકિસ્તાનને 331 રનનો વિશાળ લક્ષ્યાંક આપ્યો હતો. આના જવાબમાં જ્યારે રચિન રવિન્દ્ર ફિલ્ડિંગ કરી રહ્યો હતો ત્યારે ઘટના બની
ઈનિંગની 38મી ઓવરમાં માઈકલ બ્રેસવેલ બોલિંગ કરવા આવ્યો ત્યારે ખુશદિલ શાહે તેના બીજા બોલ પર લેગ સાઇડમાં હવામાં શોટ રમ્યો હતો. આના પર બાઉન્ડ્રી લાઇનમાં ફિલ્ડિંગ કરી રહેલા રવિન્દ્ર લાઇટના કારણે બોલને જજ કરી શક્યા ન હતા અને તે સીધો તેના કપાળ પર ગયો હતો. બોલ વાગ્યા બાદ રવિન્દ્રના કપાળમાંથી લોહી નીકળવા લાગ્યું અને મેડિકલ ટીમ તેને સારવાર માટે મેદાનની બહાર લઈ ગઈ.
રચિન રવિન્દ્રની ઈજા અંગે મોટું અપડેટ
હવે ન્યૂઝીલેન્ડના પ્રવક્તાએ રવિન્દ્રની ઈજા અંગે અપડેટ આપતા કહ્યું કે 38મી ઓવરમાં કેચ લેતી વખતે તેના કપાળ પર ઈજા થઈ હતી, જ્યાં કટ આવી ગયો હતો. તેને તરત જ મેદાનની બહાર લઈ જઈને સારવાર આપવામાં આવી. આ પછી તે માથાની ઈજાના મૂલ્યાંકનની પ્રથમ કસોટીમાંથી પસાર થયો અને બધું બરાબર હતું. હવે તેની સારવાર આ પ્રક્રિયા હેઠળ આગળ વધશે.
રચિન ક્યારે પાછો આવશે?
રચિન રવિન્દ્રની ઈજા અંગેના અપડેટથી સ્પષ્ટ છે કે તેની ઈજા એટલી ગંભીર નથી અને તે જલ્દી મેદાનમાં પરત ફરી શકે છે. જો કે, તે 10 ફેબ્રુઆરીએ દક્ષિણ આફ્રિકા સામે ન્યુઝીલેન્ડની આગામી વનડે મેચમાંથી બહાર રહી શકે છે. જ્યારે તે 19 ફેબ્રુઆરીથી શરૂ થનારી ICC ચેમ્પિયન્સ ટ્રોફી 2025 સુધી ફિટ રહી શકે છે.
.
Load more
